Ozhaino Albies di Sint Franciscus College pa Major League Baseball

Ozhaino Jurdy Jiandro Albies, konosí komo Ozzie Albies, a nase dia 7 di yanüari 1997 na Willemstad, Kòrsou. El a krese ku un amor grandi pa beisbòl. Segun su historia, el a kuminsá hunga beisbòl ora e tabatin seis aña. Ozzie tabata un alumno di Sint Franciscus College. Den su añanan di mucha, el a desaroyá su talento i a sigui traha duru pa alkansá su sueño di bira un hungadó profesional di beisbòl.

Na 2013, ora e tabatin 16 aña, e organisashon di Atlanta Braves a firma kuné. El a traha pa varios ekipo den e liga menor promé ku el a alkansá su gran meta: debutá den Major League Baseball (MLB), e liga di beisbòl profesional di mas haltu na Merka.

Dia 1 di ougùstùs 2017, Ozzie a debutá ku Atlanta Braves. El ta hunga prinsipalmente komo second baseman, un posishon importante den e defensa di e ekipo. Durante su karera, Ozzie a logra hopi éxito. El a bira un hungadó All-Star i a gana e premio Silver Slugger pa su prestashonnan ofensivo. Na 2021, el a gana e World Series ku Atlanta Braves.

Ozzie ta papia Papiamentu, Hulandes, Ingles i Spañó. E konosementu di kuater idioma ta mustra kon su origen di Kòrsou ta un bentaha den un ambiente internacional.

Ozzie Albies ta un orguyo pa Kòrsou i pa Sint Franciscus College! Su historia ta mustra ku talento, pasenshi, dedikashon i trabou duru por yuda un mucha alkansá su sueño.

Su ehèmpel ta anima nos alumnonan pa sigui studia, desaroyá nan talento i no desistí ora nan topa obstákulo.